Ulysses

übel regieret so schlecht als sies nimmer gewest ob schon das gemeine volck anders gleube doch könten nicht recht noch richter dem fvglich weren. So gebe denn abhülff GOtt. Doch war dis kawme gesprochen da schrieen sie all im verein vnd sprachen Nein, bi vnser Jungvrawen Mutter, das weip sullt leben vnd das kintbarn sterven. Dar ob erhitzeten sie sich gar sere vnd wurden heißen hawpts, die einen vom streitte die andern aber vom trunck, doch der freisaß Lenehan war alleweg eilents zur handt jnen ale ein zu schencken eim jeglichen sein mas auff das sie zum mindest der frewde nicht möchten ermanglen.
    Dann erzelte jung Madden jn allen die gantze geschicht vnd da er berichtet wie sie gestorben vnd wie umb der heilingen religion willen nach pilgrims vnd bittbruders rat vnd weil er ein gelüppde getan dem Heilingen Ultan vonn Arbraccan jr guter Ehgemal nicht wullt zu laßen das sie sterb vnd sich dreine vinden da wurden sie alle dar ob gewalltig des kumbers vol. Jnen aber antwort jung Stephen vnd sprach dise wort, Gar offtmal, jr herren, murret das lajenvolck. Beide das kint vnd sein mutter verherlichen nvn jren Schöpffer, das ein im limbus dunckel, die ander im fegfewr. Doch was, umbe himels willen, ist mitt jenen gottmüglichen selen welche allnächtlich wir unmüglich machen vnd zunichte, was da ist die sünnde wider den Heilingen Geist, den Waren Gott, den Herrn vnd Stiffter des Lebens? Denn warlich, herren, sprach er, kurtz nvr ist unser lust. Wir sind ein mittel nur zu jenen kleinen geschöpffen jn vns drinnen vnd ander zil vnd ende hat die natur denn wir. Da sprach Dixon der jüngere zu Punch Costello vnd fragte ihn ob er wol wisse welch zil vnd ende. Doch jener hett aus der massen getruncken vnd kunt kein besser wort von jm gewonnen werden denn das er wulle ein jeglich weip enteren wer sie auch seie ob vraw oder mägdlein oder hübscherinn so es jm nur zum heile gereiche vnd er künne ledich werden seines gar hitzigen dranges. Wor auff nun Crotthers vonn Alba Longa des jung Malachi lobliet sang auff jenes wundersam tier den Einhürne wie dersellbe ein mal nur in ein tawsent jar kome mitt seinem horn vnd der weilen stichleten die andern all mitt jren spötlichen reden womitte sie jm übel wullten vnd bezeugeten alle vnd eininge bei des heilingen Futtius werckzeug das ers im stande sei auff jeglich art zu treiben so nur in eins mannes krafft stende. Dar auff lacheten sie alle recht hertzlich, nur nicht jung Stephen vnd Sir Leopold welcher nimer so lawthalz zu lachen wagete aus dem grunt einer seltzanen grille welche er niemandem wullt entdecken vnd insgleichen auch weil jn die vrawe barmte so dort gebahr wer imer sie sein mocht vnd wo sie auch ruhte. Dann sprach jung Stephen gar hochmütiglich vonn der mutter Kirche welche jn würd aus jrem schose reisen vnd vonn dem Cannonischen Recht vnd vonn Lilith, der schuzherrinn der Abgeng, von dickem leibe so bewürcket werd von wint aus samen von klarheit oder von der macht der vampirn munt zu munt oder, als Virgilius saget, durch den Einflus des sonundergangs oder durch den dufft der mont blume oder so sie lieget bei einer vrawen bei welcher ihr man erst hat gelegen, effectu secuto , oder leichte auch in jrm batt nach der meinung vonn Averroes vnd Moses Maimonides. Er saget auch wie am end des zwoten monts eine menschliche sele würd ein geblasen vnd wie in allem vnser heilinge mutter die selen umbfengt ewiglich zu Gotts höherem rume werend jene vleisches mutter welche nichts seie denn ein geberend tier vnd müß tierisch austreiben sterven sullt nach dem Canon denn also spricht der da treget des vischers sigel, der heilinge Petrus auff welchen feltz gebawet ward die heilinge kirche fvr all zeit. Vnd es fragten der baccalaurei alle alsdann Sir Leopold ob er in ehnlichem falle wol würd die vrawe so geringe achten das er leben sullt wagen umb leben zu retten. Vonn fvrsichtigem sin wullt er antwort stehen so allen geviele vnd so tat er die hant an die wang vnd sagte mitt arglist als seine gewonheit war, das wol, so weit er, welcher die kuntz der erzet allzeit geliebet, so ser als ein laje es nur vermöcht, seie vnderichtet, vnd so weit seine kenntnis eines so seltenen falls möcht reichen, es jewerderhalben gut wer fvr die Mutter Kirche, bekeme sie doch auff ein schlag jr scherfflein fur tot als geburd vnd auff solch weis endwant er sich klüglich jrn fragen. Das ist, lobgott, die warheit, saget da Dixon, vnd geh jch nicht irre ein treffend wort. Da aber jung Stephen