Die Stachelbeerstraeucher von Saigon

herom, bei uns, gäh weida,
    des is koa Lem mehr.
    Boid mehr Ausländer ois Hund.
    Da oanzige Neger,
    der se jemois bei mir bedankt hod,
    der war aus Plastik.
    spielt
    Host a Zehnal einegschmissn
    und da Schoko hod gnickt.
    bitter parodierend
    Gib heid am ausländischen Mitbürger amoi a Zehnal,
    dann zogta di a wegen Rassismus.
    Er gibt wieder Gas.
    Rasante, aggressive Fahrgeräusche.
    Wieder scharfes Bremsen.
    Er lacht bitter.
    Do hob i immer no a Problem.
    Bei Rot steh bleim und mir von Grün song loßn miaßn:
    Iatzt deafst weidafohn.
    Des schaff i ned.
    Da Therapeut sogt immer,
    vermenschlichen Sie das Problem,
    geben Sie Ihrem Problem ein Gesicht.
    A so a Scheiß.
    Wenn i mir bei Rot an Gysi vorschtey, dann gib i Gas.
    Und wenn i treffa wui,
    dann triff i.
    Er rast weiter.
    Wenn mei Bewerbung durchgähd, bin i weg!
    Bei de Kamerade n !
    pfeift
    Upupändawei.
    final
    Und dann brems i nimmer!

Upupändawei 3
    Fährt langsamer,
    wirkt erinnerungsentrückt.
    Mi interessiert des do herom scho lang nimmer.
    Pause
    I war eh scho amoi drunt.
    Vor zehn Joh.
    träumerisch
    Bosnien-Herzegowina.
    War super.
    Des war mei Land.
    A ganz a andare Mentalität.
    A Stang Marlboro sieben Euro.
    A Kastn Erdinger fünfe.
    Er gleitet schwelgend durch die Nacht.
    Kosovo!
    Sechane Schnitzel.
    Fia 1,50!
    weniger euphorisch
    Owa hoid nur no an Fuchzger.
    Geringe Gefahrenzulage.
    Da Albaner is jo mehr a Schlitzer.
    Der braucht de Nähe.
    Do ziagta geng a Pistoin oft den Kürzern.
    Des druckt auf de Pauschale.
    In Bosnien warns scho 75 Euro,
    des san Gaudiburschn,
    de loßn de scho amoi auf a Mine laufa.
    Und Afghanistan 95,
    de triffst jo ned, de mogan Deifel,
    de gengan ned viera hintam Feysn.
    de mogan Deifel.
    Und jedsmoi wenns oan in d’Luft sprengan,
    no a Zwanzger drauf.
    Er bremst hart.
    Fixiert seinen Fahrgast.
    Fassungslosigkeit keimt auf.
    neidvoll
    Da Erwin hod in oam Joh 56 000 Euro gmocht.
    Da Erwin!
    De bledaste Sau von ganz Freyung,
    fassungslos
    56 000 Euro!
    Der sitzt iatzt auf Mallorca,
    olle Fiaß no dra,
    koa Loch im Kopf,
    und sauft an Sangria ausm Eimer.
    So vui Glück muaßt erst amoi hom.
    Wieder ein Aggressionsschub.
    Quietschende Reifen.
    Bremst hart.
    Langsam weitet sich die Härte und wird zur verklärenden Erinnerung.
    Als wärs Weihnachten in Stalingrad.
    Und wos des Schenste is.
    Ohmds in da Kasern.
    Des is wia auf da Hüttn.
    träumerisch
    Schofkopfa,
    d’Zillertaler,
    a saubas Weißbier
    und, wos des Ollerschönste is,
    nicht ein Ausländer.
    Er ballt die Faust und gibt Gas.

Upupändawei 4
    Tage später.
    Derselbe Fahrer, derselbe Gast.
    Ruhiges Fahren.
    Der Fahrer entspannt, fast geschmeichelt amüsiert.
    Ahso, Sie hättn mi beinah ned kennt.
    Weil i so entspannt foh, bei Rot hoit und a fian Ausländer brems.
    bedeutungsvoll
    Ja, da Antrag is durch.
    Nexte Woch bin i weg.
    Up, up änd awei.
    Afghanistan.
    Sie san mei letzte Fahrt.
    Gleitet wieder durch die Nacht.
    philosophierend
    Is scho komisch.
    Seit i woaß, dass i zruckschiaßn deaf,
    rengs mi nimmer auf.
    Do entsteht wieder a gelassener Umgang midm Fremdkörper.
    gefährlich ruhig
    Herom, bei uns, wennst Pech host,
    ziagt newa dia a Kopfdiachla ei.
    Und wenn di bei uns herom
    von dene ona bläd ared
    und du haust zruck,
    bist du da Depp.
    mit der flirrenden Ruhe einer großen Vision
    Drunt,
    do red i gor ned lang,
    do schiaß i zurück.
    Mit Infrarot.
    Über 500 Meter.
    Zielgenau.
    Und wenn i treffa wui,
    dann triff i.
    Des gähd blitzschney.
    Der kann mia ned amoi mehr gratuliern.
    wieder philosophischer
    Na ja, i bin aus Hauzenberg.
    Wennst in Niederbayern
    aufm Land aufgwochsn bist,
    bei de Schützen
    und bei da Oma,
    dann bist a Anhänger der Erstschlagtheorie.
    mit wehmütiger Größe
    Mia werdn uns wahrscheinlich nimmer sehng.
    Ois Guade und kemmans guad hoam.
    Upupändawei.

Der Volksvertreter 1
    Ein Listenzombie wacht auf
    Eine Kreatur liegt am Boden.
    Regungslos.
    Dann ein erstes Fingerspiel, eiszeitiges Grunzen, Urlaute.
    Wie ein B-Movie-Zombie beginnt sie allmählich, sich zu bewegen.
    Sie schnuppert ins Dunkel.
    Ahh, Angstschwoaß, ahh, ahh.
    schleckend
    Schleimspurn,
    Rosettngrind.
    lüstern den Kopf drehend
    Endlich.
    Heu, ahh, geil, Heu, Heu,
    es riacht wieda noch Heu-bl,
    noch Heubl, noch Goppel, noch Strauß.
    Endlich.
    Sie hebt das Hinterteil.
    Mein Gott, war des hart.
    Diese Siebzgerjoh.
    So bis Ende Kiesinger, do war jo eh no oisse in Ordnung.
    An Kopf in Sand,
    ’s Bier ins Hirn,
    vorn da Strauß,
    hint da Russ,
    unt da