Die Stachelbeerstraeucher von Saigon

Caritashosn,
    Reebokschuah,
    Nikejackerl,
    und singt und danzt diesem schonungsbedürftigen Menschen in sei Trauerarbeit eine.
    wieder pathetisch
    I hobn richtig bewundert, an Wasch.
    Ganz langsam hoda an Kopf khom
    und dene zwoa nochegschaut.
    Wiasase dann higsitzt ham, de zwoa,
    hod eana richtig zuagnickt.
    Woaßt, er, der alles verloren hat, zu dene,
    dene oisse gschenkt wird.
    Des hod …
    ballt die Faust
    … richtige Größe ghobt.
    verärgert polternd
    Und da Neger,
    wieder rappend
    kein Verständnis,
    kein Gespür,
    nix,
    schleckt ummanand, grunzt und pfeift.
    Da Wasch hod glocht,
    hod sogo a wenig ummegflankerlt,
    eh lustig,
    lacht
    wia hoda gsogt:
    Schick mas umma, de Oschfabane,
    dann steck i ean ihr eine bis zum Zapfal,
    eh so, nett, guad drauf wieder.
    ernst
    Des muaß oana übersetzt hom.
    I glaub, der Mogare, ein Unsympath.
    Leichts Weißbier und an Fettrand wegschnein.
    Na ja, kimmt da Neger umma,
    schteydse hi vorm Wasch.
    Owa wia.
    Direkt in d’Sonn.
    Da Wasch hod jo nix mehr gseng.
    Do kemman Penetrationsängste hoch in so oam.
    Reflexe.
    Wennma oam, dem das Leben alles genommen hat,
    auch noch die Sonne verdunkelt,
    dann …
    … unglücklich troffa hodan scho.
    Er woit eam jo eh bloß d’Nosn brecha,
    owa er, da Neger,
    zapped ummanand,
    hoda d’Bruin dawischt,
    na ja, ’s Aung hoid.
    Guad, owa da Wasch!
    Bluadige Händ,
    dreiahoib Joh,
    da Mogare!
    Wer is Täter und wer is Opfer?
    Ich weiß es nicht.
    schaut auf die Uhr
    Na ja, zwoa Schtundn no.
    Sozialkunde, Geschichte.
    bewundernd
    Da Wasch!
    verklärend
    Da Wasch.

Upupändawei 1
    Ein Fahrgast steigt in ein Taxi. Er hat es eilig.
    Der Fahrer nicht.
    Er studiert stoisch den farbstrotzenden Werbeflyer einer Fastfoodkette.
    Schnoins Eana a, hoitns Eana stad, mia fohn dann glei.
    Es rentiertse eh ned.
    Überoi Stau.
    Pause
    I muaß des no lesen. Ham Sie des scho glesen?
    Wahnsinn!
    Zwoa Country McGriddles Supersonderfrühstücksmenü für 1,82.
    Des gibts ned!
    A Double Cheeseburger Menü mit Megapommes und Fruchtzwerg für genau
    1,99.
    Unglaublich!
    fast dozierend
    Ein halbes megacrosses Planet King Size Superhendl mit Riesenpommes und einen Mister Clean Gratistoilettenchip für 3,40.
    Des is …
    unerwartet
    … vui zu teuer.
    Des rechnetse ned.
    Fia mi ned.
    Und fias Hendl a ned.
    Er dreht das Radio lauter.
    Lauscht angespannt.
    Schüttelt den Kopf.
    Deans Eana an Sitz sche herrichtn und hoitns Eana stad!
    Da ganze Ring is zua.
    Mia fohn dann glei!
    I muaß des no ahean.
    Do!
    Heanses?!
    Selbstmordattentäter.
    Sans scho wieder unterwegs, de Krippen.
    Sechse in Bagdad.
    eher enttäuscht
    Na ja.
    Zehne in Basra.
    mit anerkennendem Nicken
    Gähd.
    Kanntn ruhig a bo mehr sei.
    Bemerkt die Befremdung beim Fahrgast.
    Na, na, um Gotts wuin,
    i bin koa Islamist.
    I heyf ned zu dene.
    Owa de Zulage druckts.
    erklärend
    Je mehrs dawischt, umso höher wird die Gefahrenzulage.
    A kloans Massaker.
    I mog des a ned im Fernsehen, wenns Hirn so ummanandafliagt und oisse bloß no hoibad is.
    Do schoit i um.
    Owa sähngses amoi andersrum.
    Fia den, ders überlebt, is de reinste Gehaltserhöhung.
    Schnallt sich ruckartig an und umfasst entschlossen das Lenkrad.
    Sein Blick reicht weit über den Stuttgarter Stern hinaus.
    Und i mecht wieder owe.
    Endlich wieder wos verdiena.
    Der Blick fällt wieder in die Kilometergeldanzeige zurück.
    Wos hob i heid?!
    Fuchzge, wenn i nix friss.
    Na, i hör au f !
    Taxula rasa.
    Des is doch koa Lem.
    Na, na, mei Antrag wenn durchgähd, bin i wieder unt.
    Irgandwo, wos kracht.
    I hob an Reservistenantrag gschteyd.
    Liaba a Reservist an da Front ois da Depp am Mittleren Ring.
    Upupändawei.
    I hau ab.
    Der Blick geht wieder auf Reisen.
    Getragen von einer neuen Radiobotschaft.
    In Kundus zwanzge.
    Des is scho besser.
    Do steigt de Zulage auf hundertfuchzge.
    Hundertfuchzge am Dog,
    Sie san zwoa Joh unt,
    des san hunderttausend auf d’Hand.
    finale Erkenntnis
    Und ’s Hendl kost do drunt an Euro.
    Des rechnetse.
    unerwartet
    Wo woins denn überhaupt hi?
    Oder sanma scho do?

Upupändawei 2
    Die Taxifahrt geht weiter.
    Stierer Blick.
    Plötzliches Bremsen.
    Wos?!
    Gfährlich?!
    Knapp?!
    lacht
    Mein Gott, de zwoa Kopfdiachla do.
    Gäh weida.
    Des war doch koa Bremsweg.
    Um de foh i jo no zwoamoi umma,
    mid vabundne Aung,
    steig aus,
    hebs üwa Kühlerhaum
    und sog eana no,
    wo Mekka liegt.
    Des war ned knapp.
    Des war fad.
    beugt sich bedeutungsvoll vor
    Wenn i treffa wui,
    triff i.
    Wieder dumpfes Fahren.
    Ansatzlos.
    Do