Die Stachelbeerstraeucher von Saigon

Jugo,
    ohm da Papst.
    Do ham de Koordinatn no gschtimmt.
    Owa dann is losganga:
    Arbeitskreise,
    Vanilletee,
    Kebab, Gyros,
    langzodade Diskussionsleiter
    mid Kotelettnköpf.
    Erinnerungsschmerz verzerrt ihre Gesichtszüge.
    Und immer i.
    Immer hob i himiaßn.
    Immer i.
    Bloß weng meiner Migräne und meim Asthma.
    bronchiales Atmen
    I hob dann immer so
    schwa gschnauft
    schmerzender Kopf
    und an Kopf so ghoitn
    und gwippt,
    wia wenn i jedn Moment d’Weyd erklärn dad,
    und do hod d’Fraktion gsogt:
    Des is unser Mann fia Teestube.
    Listenblotz 16.
    Todsicher.
    Damois.
    verwirrt um sich blickend
    Wos?
    Wer?
    Wo?
    Wos hob i gsogt?!
    Hob i wos gsogt?!
    Die Kreatur scheint ein Mensch zu sein.
    Sich langsam aufrichtend und wieder süchtig schnuppernd, erfasst er seine Umgebung.
    Ohh, ohh, geil.
    Leberkas und Fritteusenfett,
    säuerlich,
    Lüngerlfladn an de Hauswänd,
    oide Werte in neie Hosn,
    Elitestudenten kotzn wieder Semmeknödl.
    Ein Erinnerungsstoß lässt sein Gesicht wieder verfallen.
    Es war de Hölle.
    Diese Achtzgerjoh.
    Und scho wieder i.
    Immer hob i himiaßn.
    gekrümmt
    Bloß weng meim Monggschwür.
    Do hods me so zamzong
    noch da Operation,
    a Diät howe mocha miaßn,
    ganz makrobiotisch hob i ausgschaugt,
    und do hamms in da Fraktion gsogt:
    Des is unser Mann fian Biokreis.
    Listenblotz 24.
    Grod no.
    Damois.
    Grauenhaft.
    Diese Haferflockenrülpser
    und Grünteefahnen.
    Erniedrigend.
    Und des mia,
    wo i immer an Schädl ghobt hob wia a Hundatabirn
    und bei jedm Neujahrsempfang
    da Obstlerkönig war.
    kniend
    Ahh, Wahnsinn, des is doch, na, na …
    Leichte Glückstränen sickern.
    … riachanses!?
    Kerosin, ahh, ahh.
    Und ah, ah, na, na,
    natürlich, hörnses?
    Tieffliegersäge
    Moslem frittiern,
    Böllerdonnern
    Fronleichnam feiern,
    Arafat sprenga,
    Gurgelstakkato
    120 Watt im Polo ois Grundausbildung fian nächstn Goifkriag.
    stolz
    ’s Hirn wiad woach,
    da Schwanz wiad hart,
    fertig is da Zeitsoldat.
    Nix » Imagine « ,
    Badenweiler, endlich.
    Endlich is de Weyd
    wieda so laut,
    dass ma wieder oisse song kann,
    weil’s koana heat.
    wieder verwirrt
    Wos?
    Wer?
    Wo?
    Wos hob i gsogt?!
    Hob i wos gsogt?!
    Er riecht wieder.
    Ahh, Kölnisch Wasser,
    Dreiwettertaft,
    Proseccofahne und Opfeschampoo.
    Ahh.
    Des is.
    Eine erneute Erinnerungswelle spült ihn in die Angewidertheit.
    Diese Neunzgerjoh.
    Zum Kotzn.
    Dieser unsägliche Gestank:
    Rochenflügel in Kokoskruste
    mit Algenpüree an flambiertem Dörrzwetschkenröster.
    Furchtbar.
    Und diese Stille.
    Diese entsetzlichen Friedensketten.
    Rechts a Emanzn, links a Schwuchtl,
    in da Mittn a Dreisternekoch.
    Des kann se koa Mensch vorschteyn,
    wos des fia an oidn CSU ler für a Demütigung war.
    singt
    » We shall overcome some day. «
    Grauenhaft.
    Und immer i.
    Immer hams mi higschickt.
    Nur weng meim kloana Schlagal.
    Do is ma d’Lätschn oweghängt,
    vaschtandn hod mi koana,
    do hamms in da Fraktion gsogt:
    Du bist unser Mann fian Friedn.
    Listenblotz 32.
    Ekelhaft.
    Kerzn hoitn und grinsn,
    i, wo mia doch damois
    da Strauß persönlich no a Glückwunschkartn
    ins Krankenhaus gschickt hod,
    wia i im Wahlkampf
    acht Schofkopfturniere hintanand
    überlebt hob.
    verwirrt
    Wos?
    Wer?
    Wo?
    Wos hob i gsogt?!
    Hob i wos gsogt?!
    Er richtet sich auf, in die Absprunghocke, als sei er bereit für einen weiten Flug.
    Owa i hob mi wieda dafangt.
    I hob immer dra glaubt.
    Oamoi kimmst no.
    Des war a Geschenk.
    Er richtet sich ganz auf, streckt sich.
    Und iatzt bin i wieder Listenblotz 3.
    Nur weng meim Alzheimer.
    heiter, gelöst, lachend
    Kann ma nix mehr merka,
    koa Kurzzeitgedächtnis,
    owa wos vor vierzg Joh war,
    des woaß i no genau.
    Do hod d’Fraktion gsogt:
    Des is unser Mann fia Zukunft.
    Zruckbliemne Kinder,
    bankrotter Mittelstand
    und blädgsuffane Frührentner.
    Des is unser Menü.
    Kas, mundhöhlengreifter Silbenkas mit afterfaltengedämpften Hülsenfrüchtenaromen
    zwischen tausendjährigen Eiern
    in braunkaramellisiertem Wurzelgemüse,
    an Wintersalaten.
    Ohh, ohh,
    endlich.
    euphorisch
    Ja, es riacht wieder noch Heubl,
    noch Goppel, noch Strauß.
    Es deaf wieda raus.
    Anfallartig schüttelt es ihn bei jedem Schimpfwort.
    Bimboneger!
    Drecksfotzn!
    Saujud!
    verwirrt, oder auch nicht
    Wos?
    Wer?
    Wo?
    Wos hob i gsogt?!
    Hob i wos gsogt?

Der Volksvertreter 2
    Ein Listenmensch sucht das Gespräch
    Ein Saal.
    Ein Politiker.
    Solariumgebräunt, zahngereinigt und im saloppen Maßanzug mischt er sich unter das leberkäskauende Wahlvolk.
    Mit