Karpfen, Glees und Gift im Bauch

Zeid«, erwiderte die Veronika Sapper, »ward ja kaans mehr auf miech, daham. Do hoggi ja aa bloß allaans rum. Hab ja kaan mehr, um deni mich kümmern kann.« Ein paar stille Tränen schlichen sich aus ihren wässrigen Augen und kullerten über ihre rosigen Wangen.
    »Less na raus!«, forderte sie die Retta auf, »mier kenna dees aa, aa wenns scho a Zeidlang her is.«
    »So, edz werd abber erschd Kaffee drungn!«, bestimmte die Kunni und stellte eine große Warmhaltekanne auf den Tisch. »Do is Zucker odder Sießschdoff. Do habbi a aafache Milch und do is a Bärenmarke! Iech glaab, edz hammer alles. An Abflschdruudl habbi fei a nu.«
    »Wenndsd nu a glaans Ligörla häddsd, dädi aa ned ›Naa‹ soogn”, meldete sich die Retta. »Wassd scho, su an Kaffeeligör. An Bäilies! Defferd aa a Dobblder sei!”
    «Do däd I aa an nehma”, schloss sich die Witwe Sapper an.
    Die drei Damen genossen den frischen Kaffee. Jede hatte bereits ihr zweites Stück Kuchen auf dem Teller liegen. Veronika und Retta kicherten immer mehr. Sie hatten bereits die halbe Flasche Kaffeelikör geleert. Veronika Sapper vergaß für den Moment ihre junge Trauer und fühlte sich seit Tagen nicht mehr so wohl wie im Beisein der beiden honorigen Damen. Dann war es Kunni Holzmann, welche auf die Sache zurückkam.
    »So, Veronika, edz erzähl uns amol, was dier heid am Friehof eigfalln is. Was dier dei Hubsi do ins Ohr gflisderd had!«
    »Iech waas werkli ned, obbi dees dadsächlich derzähln solled. Wohrscheinli lachder miech gleich aus.«
    »Bei uns werd kaaner ausglachd, Veronika«, munterte sie die Kunni auf, »raus mid der Schbraach!«
    »Na guud, wenner maand! Dees Ganze had si scho vor a boor Wochn abgschbield, als mei Hubsi nu glebd had. Godd sei seiner Söl gnädich! Jednfalls woar die Glimaanlaach vo seim alden VW-Golf scho des ganze Joahr ieber kabudd. Besser gsachd, sie had nemmer fungdionierd, weiler ka geeignedes Kiehlmiddl mer ghabd had. Den ganzn Summer hadder gsuchd. Abber alle Wergschdäddn, die er gfrachd had, ham gsachd, dass dees Kiehlmiddl, dess er fier sei Audo breicherd zwischenzeidlich verboodn sei, weils umweldschädlich is. Dees is nämlich FCKW und machd dees Ozonloch immer greßer. Dees wär zwoar mein Hubsi wurschd gwesn, abber weils verboodn is, hadder dees ieberhabd nemmer grichd. Dees had’s einfach nemmer gebn. Es däd zwoar a neis Kiehlmiddl aa gebn, ham die Wergschdäddn gsachd, abber dann häd mei Hubsi sei ganz Audo umbaua lassn missn und dees had si nemmer glohnd. Auf jedn Fall is mei Moo eines Doogs ham kumma und had iebers ganze Gsichd gschdrahld und glachd. Dann hadder mer derzähld, dassn der Toni Wellein a kaldgebressdes, dirgisches Oliefenöl in sei Glimaanlaach neigschüdd had und auf amol had die Gliemaanlaach widder fungdionierd. Dees haddn gscheid gfreid, und er had gmaand, do kennerd mer a guuds Gschäfd mid machn. Dann hadder aa was vo FCKW gsachd, abber dees had mer nix gsachd. Iech kenn bloß den FCN, den Glubb in Nemberch.« Veronika Sapper sah die beiden Witwen mit großen Augen an. »Dees woars scho. Gell, edz werder mi glei auslachn!?«
    »Wu isn dem Hubsi sei Audo edz?«, wollte die Kunni wissen.
    »No, wu werd’sn scho sei? In der Garaasch schdehd’s. Iech wolld’s scho herschengn. Kann ja nix damid ofanga! Hab ja kann Fiehrerschein. Kennder ham, wenners wold! Was solli denn mid dera aldn Gurgn machen?«
    »Veronika, dees Audo blabd wu’s is. Zumindesd vorläufich, bis die Bolizei undersuchd had. Wenn dees schdimmd, was iech grood deng, dann hasd du mid deiner Gschichd grood an Umweldsgandal erschdn Ranges aufgedeggd.«
    »Wergli?«, strahlte Veronika Sapper.
    »Ja, und edz verschdeh iech aa, warum dei Hubsi umbrachd worn is«.
    Veronika Sapper war außerordentlich stolz. »Dann solled iech eich vielleichd aa derzähln, was mier heid, am Nachmiddach passierd is, wie iech aufm Wech zu eich woar!?«
    »Na zu!«, ermunterte sie die Kunni.
    »Schdelld eich na vur, do laafi an der Haubdschdrass am Sauer‘s Biergardn endlang, gegenieber vo der Keiners Wirdschafd. Wie iech grood die Ringschdrass ieberkwern will, sehi driebn, auf der andern Seidn vo der Haubdschdrass, dem Welleins Toni sei Lin Sang schdeh, wies grod in den Zeidungskasdn vo dem Nordbayrischen Tageblatt neischaud. ›Viel Bilder kannsd do abber ned oschau, Lin Sang‹, habber mer dengd. Auf amol fängd die dees Schreia und Schimbfn oh. Auf Deidsch! ›Scheiße, Scheiße nochmal! Warum lässt sich dieser Idiot von Fahrer von den