Weihnachtsgeschichten am Kamin 04

was mich zuerst in tiefes Erstaunen versetzte: Aufgeregt, mit Tränen in den Augen, griff er in seine abgewetzten Cordhosentaschen, zauberte ein altes Feuerzeug und einen Kugelschreiber hervor und bestand darauf, dieses als Gegengeschenk anzunehmen. Er freute sich wie ein kleines Kind, nur still, und ich spürte seine Rührung... es hatte jemand an ihn gedacht, da kam es auf den Wert des Geschenkes nicht an, das wurde mir plötzlich bewußt, und bewußt wurde mir auch plötzlich seine Geste, mir etwas zu schenken... er wollte seine Freude, die ich ihm machte, mit einer einfachen Gegenfreude erwidern.
    Auf dem Nachhauseweg hatte ich ein merkwürdig stilles und doch frohes Gefühl in mir, nur war ich nicht mehr aufgeregt, wenn ich an die bevorstehende Bescherung zu Hause dachte, an meinen Weltempfänger, den ich mir so heiß wünschte, ich war zutiefst nachdenklich und dennoch glücklich. Auch als die Tannenbaumlichter brannten, Weihnachtslieder erklangen, war in mir nicht die brennende Neugier auf die noch unausgepackten Geschenke unterm Tannenbaum... ständig mußte ich an meinen Freund, an seine Ergriffenheit denken, und mir wurde plötzlich sehr klar, daß Geben wirklich glücklicher machen kann als Nehmen.

    Hans-Jürgen Förster

Traditschoon

    Wat eenen is, de wat op Traditschoon höllt, de deit sik swoor bi jeeden Vörslog, sik doch mol ümtostellen un aftoloten vun sien ollen Gewohnheiten, un he seggt denn woll: «Dat hefft wi noch nie nich anners mokt, dat is ümmer so wesen, wat güstern noch good weer, dat mutt hüüttodoogs nich leeg sien.»
    Hinnerk Alm is Beamter, un Spröök vun disse Oort gohn em slank un ohn Stomern ober de Tung.
    Nich, dat he sowat vun knökerig is, dat he all dat, wat sik so’n beten wiederentwickelt, as neemoodschen Kroom afdeit un für den all en neeget Kalennerblatt meist en Revulutschoon bedüüden deit.
    Nee, he höllt sik egenlich för’n «progressiven» Beamten — wenn’t sowat öberhaupt gifft.
    Man een Sook gifft dat, dor höllt he dat stief un fast mit de Traditschoon. Dor ward nix, ober ok rein gor nix ännert. Dat is Wiehnachten.
    All mit’n Eten fangt dat an: Siet ober twintig Johrn gifft dat bi Hinnerk an’n veeruntwintigsten Dezember Wüstchen un Kantüffelsaloot to’n Meddog.
    Vörslääg, statts Kantüffelsaloot dat doch ok mol mit Vullkoornbroot un Botter to verseuken, harr Hinnerk all ‘n poormol mit sien Sparrminorität afsmettert.
    Letzt Johr harr sien Fro vergeten, Wüstchen intokeupen un as Ersatz Krabbensaloot mit Toast op’n Disch brocht.
    Noch dree Stünnen loer in de Kark weer Hinnerk sowat vun verbiestert un frustriert, dat he Visioonen kreeg. In sien Wohn heur he, wo de Paster verteil, dat de hilligen dree Könnigen den lütten Jesuskind Bockwust, Kantüffelsaloot un middelscharpen Semp ut’n Moorgenland mitbrocht harrn. Un as de Paster de Bibel opsloog, dor weer sien Leesteken ‘n Wüstchen.
    Vun den Dog an steihn bi Hinnerk all in’n Juli fief Büssen mit Bockwurst in’n Keller, dat sik so’n Katastroph nich wedderholt.
    De mehrst Traditschoon ober hett bi Hinnerk de Dannenboom.
    To’n Smücken brukt Hinnerk so üm un bi fief Stünnen, un keenen dörf em dorbi hölpen.
    Christboomkugeln, Kersenholler, Lametta, Steerns un Klocken un de veelen seuten Kringels warrn sowat vun ackroot un liekermoten op de Twiegen verdeelt, dat de Boom, wenn’t sien mutt, ok ohn Dannenboomfoot de Balanse hollen kann.
    Hinnerk sien Dannenboom is twee Meter fief hooch und veertig Zentimeters öbern Footbodden een Meter fiefnunfofftig breet. Twee Meter fief, dat is de Hööcht tüschen de mit n witten Dook afdeckte Appelsienkist un de Timmerdeck, un een Meter fiefunfofftig de Breet tüschen den Feernseher un den lütten Schapp. Is de Boom smooler, denn is he Hinnerk to spillerig. Is he breeder, hett Hinnerk op de een Siet veerteihn Doog lang ‘n Dannenboomtwieg vor de Mattschiev, un op de anner Siet geiht de Schappdöör nich mehr op.
    To’n Dannenboom-Koop mutt Hinnerk sik ümmer ‘n Doog Urlaub nehmen. Ünner soß, söben Stünnen loppt bi em dorbi gor nix.
    In’n Ümkries vun teihn Kilometers gifft dat heuchstens een oder twee Bööm, de Gnood vor sien Oogen finnen, un de gilt dat, egol, wo lang dat duert, utfinnig to moken.
    Wat Dannenbööm angeiht, dor is Hinnerk sowat vun krüüsch, dat is nich uttohollen:
    Hier steiht ‘n Twieg to scheep no links, dor is een, de to wiet no ünnen wussen is, dor, rechts an’n Foot sünd dree brunne Nodels, de